21 viktima nga zjarret në Kili, në pranga i dyshuari për zjarrvënie

Autoritetet në Kili njoftuan të enjten në mbrëmje arrestimin e të dyshuarit kryesor lidhur me zjarrin që shkaktoi 21 viktima. Zjarrfikësit kanë luftuar me flakët që nga e shtuna.

Sipas policisë, burri i arrestuar është një kilian, 39 vjeç, me precedentë penalë për sulme dhe shkaktim dëmtimesh të rënda trupore dhe shkelje të legjislacionit në lidhje me pronësinë industriale dhe intelektuale.

Që nga fillimi i javës, autoritetet kishin njoftuar tre arrestime të tjera të të dyshuarve, njëri prej të cilëve u lirua. Autoritetet besojnë se zjarret ishin për shkak të zjarrvënies së qëllimshme. Zjarret kanë prekur zonat e Araucania, Nuble dhe Biobio.

Në shkurt të vitit 2024, disa zjarre shpërthyen njëkohësisht rreth qytetit të Vina del Mar, 110 kilometra në veriperëndim të Santiagos, duke vrarë 138 persona.