23 persona të vrarë nga sulmet izraelite në Gaza, përfshirë 3 fëmijë

Shërbimet mjekësore palestineze thanë se të paktën 23 njerëz u vranë në sulmet izraelite në Gaza gjatë natës, duke përfshirë tre fëmijë dhe prindërit e tyre.

Familja u vra në një sulm në tendën e tyre pranë qytetit jugor të Khan Younis, raportoi AP. Spitali Nasser në Gaza tha se kishte marrë trupat e anëtarëve të asaj familjeje, si dhe katër persona të tjerë nga dy sulme të veçanta.

Në qendër të Gazës, Spitali Al-Aksa mori gjashtë trupa të vrarë në tre sulme të veçanta, ndërsa tre persona u vranë në një sulm në një shtëpi në kampin e refugjatëve Nuseirat, sipas Spitalit Avda.

Pesë persona u vranë në një sulm në një ndërtesë banimi në Gaza, ndërsa 12 të tjerë u plagosën, konfirmoi Ministria e Shëndetësisë.

LEXONI GJITHASHTU:

• 730 palestinezë janë vrarë që kur Izraeli rifilloi sulmet në Gaza
• Sulmi ajror izraelit në Gaza vret kryeministrin e ri të Hamasait