“Super e shtuna”, Britania hap pas 3 muaj izolim baret dhe restorantet

Herët në mëngjes, radhët të gjata u krijuan në dyert e pothuajse çdo parukerie të cilët prisnin të ndryshonin pamjen pas izolimit të gjatë në shtëpi. E sigurisht të gjithë duhet të ndiqnin masat e reja distanca sociale, dezinfektimin e duarve dhe ,maskat.

Lehtësimit në Britani nisën më vonë krahasuar me shtete e tjera pasi vendi përjetoi goditjen më të madh në Evropë me më shumë se 280 000 të infektuar dhe 44 000 vdekje.

Lehtësimi i kufizimeve të Shtunën përfshinte jo vetëm hapjen e parukireve , por edhe  palestrat këndet e lojërave, hotele, kinema, muze, galeritë e artit, bibliotekat etj.

Pronarët e bareve thanë se ishin shumë të zënë pasi njerëzit nxituan të festojnë rihapjen.

Ata që shkojnë në pub do të duhet të lënë informacionin e tyre të kontaktit si pjesë e sistemit Test dhe Gjurmë të Shërbimit Kombëtar të Shëndetit (NHS), në mënyrë që nëse ka një rast të konfirmuar koronavirus, pjesëmarrësit të mund të kontaktohen.

Leister është e vetmja zonë në Britani ku u rikthyen masat e bllokimit për shkak të rigjallërimit të virusit ndërsa pjesa tjetër e britanikëve po shijojnë tashmë lirinë e munguar.

Edhe Kryeministri Boris Johnson inkurajoi njerëzit të shkojnë në bare Por duke paralajmëruar se të gjithë duhet të ruajnë distancimin.