255.2 milionë euro më shumë për komunat e Kosovës, thotë Kurti

Kryeministri i Kosovës, Albin Kurti deklaroi se për komunat do të jepen 255.2 milionë euro më shumë.

Deklaratën, Kurti e dha këtë të shtunë në sesionin e dytë të takimit me kryetarët e nënkryetarët e komunave të Kosovës, ku u diskutua për zhvillimin ekonomik dhe investimet.

Ai bëri me dije se në takim u miratuam edhe politika të reja, ku përfshihen angazhimi i konsulentëve të karrierës në shkolllat e mesme e të ulëta, apo edhe rritja e profesionistëve të IT-së.

“Pra, kemi rreth 255.2 milionë euro më shumë buxhet të ndarë nga niveli qendror për nivelin komunal. Në këtë Komision miratuam edhe politika të reja si angazhimi i 59 konsulentëve të karrierës në shkollat e mesme të ulëta, rritjen e numrit të asistentëve për fëmijët me nevoja të veçanta në 500, shtimin e 30 profesionistëve të TI-së, rritjen e numrit të personelit shëndetësor në shëndetësinë primare prej 299 profesionistëve, dhe mundësimin e realizimit të vizitave për gra shtatzëna e fëmijë dhe persona në kujdesin paliativ”, tha kryeministri Kurti.

LEXONI GJITHASHTU

• Do të rishikojmë vijën kufitare me Malin e Zi, thotë Kurti
• ‘Pa pritshmëri për liberalizim të vizave’, Osmani merr pjesë në Samitin e BE-së