30.5 milionë doza vaksinash anti-COVID janë shpërndarë në 43 vende të botës

Bota është përfshirë në fushatën më të madhe të vaksinimit në histori.

30.5 milionë doza vaksinash janë shpërndarë në 43 vende të botës.

Shpërndarja e miliarda dozave të tjerave do të jetë një nga sfidat më të mëdha logjistike të ndërmarra deri më tani.

Vaksinimi në SHBA nisi më 14 dhjetor, me punonjësit e shëndetësisë. Deri më tani janë shpërndarë 9.94 milionë doza. Të paktën 636 mijë njerëz kanë përfunduar programin e vaksinimit në dy doza.

SHBA ka planifikuar se në javët e para të janarit të shpërndahen 20 milionë doza. Në SHBA po aplikohet vaksina Pfizer dhe BioNTech, si dhe Moderna.

Kina dhe Rusia autorizuan vaksinat e tyre në korrik dhe gusht, para se të testoheshin plotësisht. Në Kinë janë 9 milionë doza që po aplikohen ndërsa në Rusi 1.5 milionë doza.

Në Britaninë e Madhe janë shpërndare mbi 1.8 milionë doza. Në këtë vend po aplikohet dhe vaksina e prodhuar nga AstraZeneca.

Në Gjermani janë shpërndarë 688 mije doza, në Itali 752 mijë.

189 mijë vaksina janë shpërndarë në Francë, vend i cili është kritikuar për ngadalësi në procesin e vaksinimit.

Izraeli, Emiratet e Bashkuara Arabe dhe Bahrejni janë vendet që kanë vaksinuar më shumë qytetarë se pjesa tjetër e botës.

Izraeli kryeson renditjen me rreth 1,9 milionë doza të shpërndara.

Në vend të dytë, Emiratet e Bashkuara me 1.3 milionë doza.

Lexoni gjithashtu:

Pandemia, Italia në gjendje emergjence deri në 30 prill, vijojnë kufizimet edhe në Holandë

Në Britani mbi 100 mijë të vdekur, në Rusi nis vaksinimi në masë