300 mln $, Phil Collins dhe grupi Genesis shesin të drejtat e muzikës së tyre

1 Tetor 2022 | 14:10

Këngëtari i njohur Phil Collins dhe shokët e grupit të tij Genesis shitën të drejtat e muzikës së tyre në kuadër të një marrëveshjeje multimilionere.

Kompania “Concord Music”, që ka blerë të drejtat, deklaroi se shitja përfshin edhe albumet solo të Collins.

Ndërsa kompania nuk e përmendi shifrën e marrëveshjes, ajo u bë publike nga gazeta “Wall Street Journal”, sipas të cilës ajo kushtoi 300 milionë dollarë.

Kjo shifër e bën atë ndër marrëveshjet më të shtrenjta të këtij lloji, duke i vendosur Collins dhe Genesis të tretët pas Bob Dylan dhe Bruce Springsteen.

Këto dy legjenda të rokut i shitën repertorët e tyre për 400 dhe 500 milionë dollarë. Ndërsa Neil Young përfitoi 150 milionë nga shitja e 50 për qind të këngëve të tij në 2021-shin.

Shitja e repertorëve është kthyer në një trend të industrisë muzikore në vitet e fundit, me artistë si Blondie, Shakira, Mark Ronson, Tina Turner e të tjerë që kanë dorëzuar këngët e tyre në këmbim të shumave të mëdha.

Për ta, marrëveshjet ofrojnë siguri financiare të menjëhershme dhe garanci se muzika e tyre nuk do të kalojë në procese të komplikuara gjyqësore pas vdekjes.

Në këmbim, investitorët fitojnë të ardhura nga përdorimi i ardhshëm i këngëve, shitja dhe transmetimi i tyre, si dhe nga marrëveshjet e licencimit.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026