35-vjeçarja rumune gjendet e pajetë në apartament, në kërkim burri shqiptar

Një ngjarje e rëndë është regjistruar së fundmi në Itali, ku një grua 35-vjeçare me origjinë nga Rumania është gjetur e vdekur në shtëpinë e saj.

Bëhet fjalë për Alexandra Elena Mocanu, e cila u gjet e pajetë në një apartament në katin e pestë të pallatit në numrin 24 në Viale Trieste.

Sipas mediave të huaja, policia italiane është vënë në kërkim të bashkëshortit shqiptar i identifikuar si Avni Meçje, i cili mund ti drejtohet Shqipërisë.

“Meçje është larguar nga Bolzano me makinën dhe telefonin e gruas së tij, dhe mund të jetë nisur për në Shqipëri.”- shkruajnë mediat italiane.

Deri më tani nuk dihet shkaku i vdekjes së të resë, e cila u gjet e mbështjellë me batanije.

LEXONI GJITHASHTU: 

• Banorët në Pogradec bllokojnë rrugën e dëmtuar nga punimet për kanalizimet
• Sulmet masive ruse synojnë rrjetin energjetik të Ukrainës, thotë Zelensky