41 të vdekur në Maqedoninë e Veriut nga Covid-19

Në Maqedoninë e Veriut për vetëm 24 orët e fundit kanë humbur jetën 41 persona, pas komplikimeve nga infektimi me Covid-19.

Personi më i ri që ka humbur jetën dje ishte vetëm 22 vjet, ndërsa më i moshuarit 85 vjeç.

Gjatë 24 orëve të fundit janë bërë 1405 teste prej të cilëve 303 kanë rezultuar pozitivë. Por sot ka pasur një numër të dallueshëm edhe të të shëruarve. Gjithsej 1169 persona kanë lëshuar spitalin apo kanë përfunduar periudhën e izolimit.

Për momentin në Maqedoninë e Veriut ka 18 000 raste aktive të personave të infektuar me Covid 19.

Nga fillimi i pandemisë në total janë infektuar 127.240 persona, ndërsa 3 716 kanë humbur jetën.