Numri i të vdekurve nga përmbytjet dhe rrëshqitjet e dheut në jug të Filipineve ka shkuar në 42, ndërsa ekipet e shpëtimit po kërkojnë për dhjetëra persona të zhdukur, njoftoi sot një zyrtar i lartë qeveritar.
- Advertisement -
Ministri i Brendshëm i rajonit autonom jugor të Bangsamoro, Nagib Sinarimbo, shprehu frikën se shumë njerëz janë ende të bllokuar në baltën dhe ujërat e përmbytjeve në ishullin Filipine të Mindanao, raporton Reuters.
“Ky numër mund të arrijë në 80, por ne shpresojmë se nuk do të jetë kështu”, tha ai, duke shtuar se situata është veçanërisht kritike në Datu Odin.
Ministri tha se operacionet e shpëtimit janë pezulluar përkohësisht gjatë natës dhe do të rifillojnë mëngjesin e së shtunës.
LEXONI GJITHASHTU:
- Përmbytje ‘biblike’ në Kretë, viktima dhe të humbur nga reshjet e rrëmbyeshme
- Lista e shteteve më të rrezikuara nga përmbytjet, mes tyre edhe Shqipëria
