Borrell: Unioni nuk u konsultua për aleancën SHBA-Australi-Britani
Pakti i ri i sigurisë mes SHBA, Britanisë dhe Australisë tregon se Bashkimi Evropian duhet të zhvillojë strategjitë e veta të mbrojtjes dhe sigurisë.
Kështu ka deklaruar Përfaqësuesi i Lartë i BE-së, Josep Borrell, i cili ka theksuar se Unioni nuk u konsultua lidhur me marrëveshjen për të ndihmuar palën australiane që të pajiset me nëndetëse me fuqi bërthamore.
“Është një shans i mirë për t’i kujtuar vetvetes se duhet të reflektojmë mbi nevojën për ta kthyer autonominë strategjike evropiane në prioritet. Kjo tregon se duhet t’ia dalim të vetëm”, u shpreh Josep Borrell.
Borrell iu përgjigj interesit të medias pasi prezantoi strategjinë e re që synon të forcojë praninë e bllokut 27-anëtarësh në rajonin e Indo-Paqësorit.
Shefi i diplomacisë evropiane insistoi se strategjia ishte gjithashtu një ftesë e hapur për Kinën, për të bashkëpunuar në fusha si ndryshimet e klimës dhe biodiversiteti.
“Strategjia jonë i shërben bashkëpunimit dhe jo përballjes”, theksoi më tej Borrell.
Sipas tij, plani synon t’i japë BE-së një profil më të lartë diplomatik për çështjet e Indo-Paqësorit, duke ofruar personel, investime dhe një prani anijesh ushtarake në detin e Kinës së Jugut.
LEXONI GJITHASHTU:
Kryefaqja
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta