Danimarka, projektligj për të ndaluar romancat e të rejave me të burgosurit përjetë

Të burgosurit në Danimarkë që vuajnë dënimet e përjetshme mund t’u ndalohet të krijojnë marrëdhënie të reja romantike.

Projektligji, nëse miratohet, do të zbatohet për dhjetë vitet e para të dënimit të tyre dhe ka për qëllim të luftojë rritjen e të ashtuquajturve “grupe kriminale”.

Ky projektligj vjen pasi një vajzë u dashurua në moshën 17-vjeçare me Peter Madsen, i cili u dënua me burgim të përjetshëm për vrasjen e gazetarit Kim Wall.

“Vitet e fundit, ne kemi parë shembuj të neveritshëm të të burgosurve që kanë kryer krime të rënda duke kontaktuar me të rinjtë për të fituar simpatinë dhe vëmendjen e tyre. Kjo padyshim që duhet të ndalet”, tha ministri danez i Drejtësisë, Nick Haekkerup.

“Të dënuarit me burgim të përjetshëm, nuk duhet të jenë në gjendje t’i përdorin burgjet tona si qendra takimesh”, shtoi ministri.

Projektligji, i cili iu dërgua një komiteti parlamentar të mërkurën, tashmë është miratuar nga opozita e krahut të djathtë.

Ky projektligj pritet të miratohet në vjeshtë dhe të hyjë në fuqi më 1 janar 2022.

LEXONI GJITHASHTU:

• Ministrja e Jashtme holandeze jep dorëheqjen për shkak të evakuimeve në Afganistan
• Italia vendi i parë në Europë që bën me detyrim ‘lejen e gjelbër’ për punëtorët