Kopja e parë e Kushtetutës amerikane në ankand për $20 milionë

Kopja e parë e printuar e Kushtetutës amerikane, ashtu siç u miratua nga themeluesit e Shteteve të Bashkuara në një konventë në Filadelfia në vitin 1787, do të dalë në ankand në mes të nëntorit.

Shtëpia e ankandeve Sotheby’s, e cila e njoftoi shitjen e dokumentit në 234-vjetorin e nënshkrimit të saj nga delegatët në Konventën Kushtetuese, deklaroi se vlera e saj orvatet nga 15 deri në 20 milionë dollarë.

“Është printimi zyrtar, printimi i parë i tekstit final të Kushtetutës së Shteteve të Bashkuara, e bërë në mbrëmjen e 16 shtatorit 1787, vetëm për përdorim nga delegatët e Konventës Kontinentale dhe për Kongresin amerikan. Është një edicion shumë i vogël, nga i cili kanë mbijetuar vetëm 11 kopje. Kjo është e vetmja që nuk i përket koleksionit institucional,” – deklaroi Selby Kiffer nga shtëpia e ankandeve Sotheby’s.

Për herë të fundit ajo u shit në vitin 1988 për 165 mijë dollarë, kur u ble nga Hoëard Goldman, një milioner i pasurive të patundshme në Nju Jork dhe koleksionist i dokumenteve historike dhe dorëshkrimeve.

Bashkëshortja e tij, Dorothy Tapper Goldman po e ofron atë për shitje dhe fitimet do të shkojnë për fondacionin e saj të bamirësisë.

LEXONI GJITHASHTU: 

• Letra ku Albert Einstein shkroi ekuacionin E=mc2 shitet në ankand për 1 milion euro
• Avioni i ish-diktatorit Causescu shitet për 120 mijë euro në një ankand
• Piktura e artistit Leonardo Da Vinçi në ankand për 16.7 milionë dollarë