Presidenti francez Emmanuel Macron goditet me vezë gjatë një panairi në Lion

Një vezë është gjuajtur në drejtim të presidentit francez, Emmanuel Macron, gjatë një vizite në një panair të sektorit të restoranteve, në qytetin e Lionit.

Burri që hodhi vezën u shoqërua menjëherë jashtë sallës pas incidentit ku edhe është ndaluar.

Veza përfundoi mbi supin e Macron, nga ku kërceu pa u thyer.

Au #sirha2021, @EmmanuelMacron victime d’un jet d’oeuf. Le projectile a rebondi sur l’épaule du Président de la République. Le jeune homme a été interpellé par le service d’ordre – IMAGES LYONMAG pic.twitter.com/n10POB2MEn

— Lyon Mag (@lyonmag) September 27, 2021

“Nëse ai ka diçka për të thënë, le të vij,” – është dëgjuar të thotë presidenti francez menjëherë pas incidentit, duke kërkuar ta shohë burrin.

Ky incident ndodhi gjatë vizitës së Macron në disa prej stendave të Panairit Ndërkombëtar të Katering-ut, Hotelerisë dhe Ushqimit (SIRHA).

Në qershor, Macron u godit gjithashtu në fytyrë nga një burrë në Tain-L’Hermitage.

Presidenti francez pati një pritje të ngrohtë nga profesionistët e restoranteve dhe tregtisë në Lion, gjatë të cilës shumë e falënderuan qeverinë e tij për paketat e ndihmës gjatë pandemisë së COVID-19.

Ditën e hënë, Macron njoftojë për një tjetër ulje taksash, ndaj bakshisheve të paguara me kartë banke.

LEXONI GJITHASHTU: