Intervista 51-vjeçare e John Lennon në ankand për 30-50 mijë dollarë 

Një kasetë me intervistën e këngëtarit John Lennon ka dalë në ankand të martën për të paktën 30 mijë dollarë.

Kjo interviste është regjistruar 51 vite më parë nga katër adoleshentë danezë, të cilëve iu duhej për një detyrë shkolle.

Intervista zgjat 33 minuta, përfshin 23 foto por edhe një këngë te pa publikuar te grupit Beattles.

Kaseta mund t’i shitet një koleksionuesi ose mund të blihet nga muzeu për një vlerë deri në 50 mijë dollarë.

Më 5 janar të vitit 1970 djemtë qe e intervistuan për gazetën e shkollës, kishin interes për fushatat e paqes që Lennon bënte së bashku me gruan e tij. 

Njeri prej djemve që ka realizuar intervistën tregon se Lennon flet për paqen në botë, por edhe për udhëtimin e tij në Danimarkë.

Në atë kohë, Lennon ndodhej ne veri-perëndim të Danimarkës së bashku me bashkëshorten e tij dhe vajzën 5-vjeçare.

LEXONI GJITHASHTU:

• Avioni i ish-diktatorit Causescu shitet për 120 mijë euro në një ankand
• Piktura e artistit Leonardo Da Vinçi në ankand për 16.7 milionë dollarë
• Kopja e parë e Kushtetutës amerikane në ankand për $20 milionë