Rritet çmimi i naftës, vlera më e lartë në 3 vitet e fundit

Një fuçi naftë është shitur 80 dollarë në tregjet ndërkombëtare, çmim ky që nuk ishte parë që nga tetori i vitit 2018. Ekspertët parashikojnë rritje të mëtejshme këtë dimër, ndërsa efektet e shtrenjtimit kanë prekur edhe gazin, qymyrin e karbonin.

Çmimi i naftës bruto ka arritur në 80 dollarë për fuçi këtë javë në Europë. Kjo rritje e shpejtë, që pas krizës së pandemisë, nuk ishte parë që prej tetorit të vitit të 2018.

Rritja e kërkesës dhe furnizimi i ulët i tregut kanë sjellë shtrenjtim, i ciki ka prekur edhe qymyrin, karbonin e gazin.

Në Shqipëri, ky efekt nuk është ndjerë ende, ndërsa ekspertë nga tregjet ndërkombëtare parashikojnë që Nafta të rritet në 90 dollarë për fuçi deri në fund të këtij viti, por pa dhënë indice për normalizim të tregut. Madje, në dimër mund të ndodhë një krizë globale e energjisë,” tha Robert Rennie, ekspert në tregun ndërkombëtar të karburanteve.

Nga ana tjetër, Anglia po përballet prej dy ditësh me një krizë të paprecedentë në tregun e karburanteve, duke krijuar radhë paniku. Depozitat aty janë plot, por mungojnë shoferët për t’i transportuar, të cilët janë larguar nga vendi, pas platformës Brexit.

LEXONI GJITHASHTU:

• Ç’po ndodh me krizën e naftës në Britani dhe radhët e gjata në pikat e karburantit?