Ahmetaj për Euronews Albania: Të ardhurat u rritën përtej parashikimit, do të rishikojmë buxhetin

Zëvendëskryeministri Arben Ahmetaj, në përgjigje të interesit të Euronews Albania, tha se rritja ekonomike përtej parashikimeve në tremujorin e dytë të vitit mund të bëjë që qeveria të rishikojë buxhetin brenda këtij viti.

“Jemi ende në pandemi dhe programi i rindërtimit është gjithashtu dinamik ndaj ne mund të na duhet të rishikojmë buxhetin, edhe për një arsye shumë pozitive, sepse të ardhurat kanë performuar përtej parashikimit. Gjithë ajo rritje ekonomike është përkthyer në rritje të ardhurash”, tha zv.kryeministri Ahmetaj për gazetarin e Euronews Albania, Neritan Gjergo.

I pyetur lidhur me propozimin e opozitës për uljen e TVSH me 6 për qind për produktet e shportës, Ahmetaj tha se nuk kanë ende një kërkesë zyrtare nga opozita lidhur me këtë propozim.

“Kur të paraqitet zyrtarisht propozimi do të merrni komente zyrtare”, ishte përgjigjja e z. Ahmetaj.

LEXONI GJITHASHTU:

• Ahmetaj: Rritet me 17.89% ekonomia në vend, mbështetje 50 mln euro për turizmin