Qytetarët e BE s’mund të futen më në Mbretërinë e Bashkuar me kartë identiteti

Qytetarëve të Bashkimit Evropian do u kërkohet një pasaportë e vlefshme për të hyrë në Mbretërinë e Bashkuar, tha Zyra e Brendshme në një deklaratë.

Në vendimin e ri pas Brexit, i cili hyri në fuqi të premten, theksohet se qytetarët nuk mund të përdorin më kartat e identitetit për t’u futur në tokën angleze.

“Duke i dhënë fund përdorimit të letërnjoftimeve të pasigurta, ne po forcojmë kufirin tonë”,  tha Sekretarja e Brendshme, Priti Patel.

Të gjitha vendet e BE-së gjithashtu i nënshtrohen rregullave të reja, të cilat u shpallën për herë të parë në tetor të vitit të kaluar.

“Ndryshimi do të parandalojë bandat e krimit të organizuar dhe të tjerët që kërkojnë të abuzojnë me sistemin”, tha zyra e Brendshme.

Autoritetet britanike thonë se kartat e identitetit janë më të lehta për t’u falsifikuar sepse nuk përfshijnë të dhëna biometrike.

LEXONI GJITHASHTU:

• Mafia italiane shfrytëzoi pandeminë për të vënë dorë në fondet e BE
• Kanceri i gjirit vret më shumë se 680 mijë njerëz në vit
• 9 persona humbën jetën nga zjarri që përfshiu një spital COVID në Rumani s