Cili shtet prodhon verën më të mirë në botë?

Një kantinë vere argjentinase është përzgjedhur si më e mira në botë nga “World’s Best Vineyards” për të tretin vit radhazi, çmim i cili jepet pasi degustohet nga rreth 600 ekspertë ndërkombëtarë.

Kantina “Zuccardi Valle de Uco”, e cila ndodhet në provincën e Mendozës, rrëmbeu çmimin e parë për vitin 2021. Për të arritur në majat e kësaj liste, ekspertët analizojnë punishten ku prodhohet vera si dhe cilësinë e produkteve me të cilat prodhohet.

“Jemi shumë të lumtur. Është një vlerësim i rëndësishëm si për ne ashtu edhe për rajonin, pasi është një juri e madhe ndërkombëtare që ndërrohet nga viti në vit”, u shpreh Miguel Zuccardi, një prej administratorëve të kantinës.

Renditja, e cila vjen për çdo vit nga rreth 600 someljerë, ekspertë verash, gazetarë të udhëtimeve luksoze, vlerëson dhe vendet më të mira për të prodhuar apo mësuar më shumë mbi kultivimin e rrushit, si dhe arkitekturën e kantinave, restoranteve dhe hoteleve të tyre.

E me renditjen edhe të katër kantinave të tjera nga Amerikane Latinë në mesin e dhjetë më të mirave, rajoni po duket gjithmonë e më shumë si vendi i duhur për t’u vizituar nga të apasionuarit pas verës.

10 kantinat që kryesojnë në botës sipas renditjes së publikuar këtë javë janë:

*Zuccardi Valle de Uco (Argjentina)

*Marqués de Riscal (Spanja)

*Chateau Margaux (Franca)

*Bodega Garzón (Uruguai)

*Montes (Kili)

*Antinori nel Chianti Classico (Itali)

*Catena Zapata (Argjentina)

*Viña VIK (Kili)

*González Byass-Bodegas Tío Pepe (Spanja)

*Creation (Afrika e Jugut)