Holanda lejon martesat e të njëjtit seks në familjen mbretërore

Monarku holandez mund të martohet me dikë të të njëjtit seks pa hequr dorë nga froni, njoftoi kryeministri Rutte.

Në një përgjigje me shkrim për pyetjet e parlamentarëve, kryeministri Mark Rutte shkroi të martën se “kabineti nuk e sheh që një trashëgimtar ose mbret do të duhej të braktiste fronin nëse ai/ajo dëshironte të martohet me një person të të njëjtit seks”. Dasmat mbretërore holandeze kanë nevojë për miratimin e parlamentit.

Në letrën e tij drejtuar parlamentarëve, Rutte nuk iu përgjigj përfundimisht pyetjes në rastin e martesës së të njëjtit seks, nëse një fëmijë i lindur pas një dhurimi të spermës ose nëpërmjet një nëne zëvendësuese mund të quhet “trashëgimtar legjitim”.

Këto deklarata të kryeministrit erdhën pas botimit të një libri gjatë verës mbi trashëgimtaren e fronit, “Amalia, Duty Calls”.

Princesha Amalia është fëmija më i madh i mbretit Willem-Alexander dhe do të mbushë 18 vjeç më 7 dhjetor. Ajo mbaroi shkollën e mesme në qershor dhe njoftoi se do të bëjë një vit pushim, para se të ndjekë universitetin.

Ajo gjithashtu ka refuzuar ndihmën vjetore prej 1.6 milion euro që i takonte kur mbushi 18 vjeç, duke deklaruar në një letër drejtuar Rutte në fillim të këtij viti, se ajo e konsideron “të pakëndshme të marrë paratë për sa kohë që nuk bën asgjë në këmbim.

Princesha Amalia shtoi se nuk mund të pranojë këtë shumë parash aq më tepër në këtë kohë pandemie kur shumcia e studentëve ndodhen në vështirësi ekomonike.

LEXONI GJITHASHTU:

• Kryeministri polak akuzon opozitën: S’duam ta braktisim BE-në
• Stjuardesa me atlete sportive, kompania ajrore i ndërron uniformën tradicionale stafit
• Menaxhimi i pandemisë, një nga dështimet e shëndetit publik në Britani të Madhe