Prokuroria Publike monitoron procesin zgjedhor në RMV

Raundi i dytë i zgjedhjeve në Maqedoninë e Veriut do të jetë nën monitorim të rreptë nga Prokuroria Publike.

Institucioni në fjalë ka krijuar një Komision të përkohshëm për vëzhgimin e parregullsive të mundshme gjatë procesit të votimit.

Prokurorët do të jenë në terren gjatë të gjithë kohës së zgjedhjeve në të gjithë komunat ku ka rivotim për raundin e dytë të zgjedhjeve vendore, ndërkohë që janë ngarkuar edhe me detyra shtesë.

Në një komunikatë të shpërndarë për mediat nga organi akuzës theksohet se prokurorët publikë janë të përkushtuar në luftën kundër krimeve të lidhura me procesin zgjedhor dhe votimin, duke kontribuar në shtypjen dhe parandalimin e tyre.

Sot zhvillohet raundi i dytë i zgjedhjeve në 44 komuna dhe qytetin e Shkupit në Maqedoninë e Veriut.

Të drejtën e votës e kanë 1.353.990 votues që do të votojnë në 2481 vendvotime.

Në këtë raund të dytë zgjedhjesh votuesit zgjedhin mes dy kandidatëve që fituan më shumë vota në raundin e parë.

LEXONI GJITHASHTU:

• Sot raundi i dytë i zgjedhjeve lokale në mbi 50% të komunave në RMV
• REZULTATI: Maqedonia e Veriut numëron votat e zgjedhjeve lokale