Propozohet rritja e akcizës për gazin, Konfindustria: Është e paarsyetuar

‘Vendosja e akcizës prej 6 lekë për litër e gazit të lëngshëm, e parashikuar në draftin e paketës fiskale për vitin e ardhshëm 2022 është e paarsyetuar’.

Kështu i ka vlerësuar organizata e njohur e biznesit, Konfindustria masat e reja të propozuara nga Ministria e Financave dhe Ekonomisë.

Sipas saj, ato janë të pambështetura në kushtet e krizës së rëndë energjetike, që po kalon tashmë vendi nga rritja e pakontrolluar e çmimeve të karburanteve.

Por edhe nga paralajmërimet e rritjes së fortë në janar të vitit të ardhshëm të çmimeve të energjisë elektrike për mbi 7700 bizneset kryesore shqiptare.