Çfarë është Nord Stream 2 dhe si ndikohet nga kriza Rusi-Ukrainë

Në mes të tensioneve mes Rusisë dhe Ukrainës presioni mbi Gjermaninë po rritet për të ndaluar projektin e gazsjellësit Nord Stream 2.

Është një vetëm një nga sanksionet ekonomike që do të implementohet në rast të një pushtimi të mundshëm të Ukrainës nga Rusia.

Ditët e fundit Berlini e ka bërë të qartë që në rast të një sulmi të gjitha mundësitë do të diskutohen, përfshirë gazsjellësin.

Kancelari i ri gjerman Olaf Scholz në një linjë me ministren e Jashtme, Annalena Baerbock ka kërcënuar Rusinë me kosto të mëdha nëse pushton Ukrainën.

Mbështetja ka ardhur gjithashtu edhe nga SHBA, teksa Sekretari amerikan i Shtetit, Anthony Blinken është shprehur: Është për t’u theksuar se nga North Stream 2 ende nuk po prodhohet gaz çka do të thotë se gazsjellësi është mjet presioni për Gjermaninë, SHBA dhe aleatët tanë, jo për Rusinë.

Çfarë është Nord Stream 2?

Nord Stream 2 është një projekt që i mundëson Gjermanisë të veprojë në mënyrë të pavarur në tregun energjetik në Europë.

Edhe pse gazsjellësi mes Rusisë dhe Gjermanisë është zyrtarisht i përfunduar, ai nuk është ende funksional.

Nord Stream 2 shtrihet paralel me projektin Nord Stream 1, që është në funksion nga viti 2011 në mes të detit Baltik. Gazsjellësi shtrihet në 1,230 km dhe lidh Ust-Luga në Rusi me Greifswald në verilindje të Gjermanisë.

Ndërtimi i tij nisi në maj të 2018 dhe përfundoi në shtator 2021, 1 vit e gjysmë më vonë afatit të parashikuar.

Pronari i gazsjellësit është gjiganti rus shtetëror i gazit, Gazprom, që mori përsipër mbi gjysmën e kostos së projektit prej 9,5 miliardë eurosh.

Kostot e tjera u financuan nga një konsorcium kompanish europiane përfshirë OMB (Austri), Wintershall Dea (Gjermani), Engie (Francë), Uniper (Gjermani) dhe Shell (Mbretëria e Bashkuar).

Tubat supozohet të shpërndajnë 55 miliardë metër kub gaz çdo vit, po projekti ka ende nevojë të certifikohet nga autoritetet gjermane përpara se të nisë shpërndarja e gazit.

Kush e mbështet gazsjellësin?

Qartësisht Rusia dhe Gjermani të dyja e mbështesin projektin, por në Berlin, veçanërisht pas formimit të qeverisë së re të krijuar nga koalicioni prej tri partish të ndryshme, ka pasur në vijimësi pikëpamje të ndryshme nëse dhe kur Nord Stream 2 duhet të nisë punën.

Të gjelbrit për shembull, e kanë refuzuar projektin për arsye gjeostrategjike dhe klimaterike. Në përgjithësi Gjermania mbështetet në gazin rus. Gazsjellësi do të ishte një zgjidhje me kosto të ulëta për të mbuluar nevojat energjetike të vendit.

Moska do të përfitonte nga kjo duke shitur gazin që do t’i sillte benefite financiare. Rreth 55 miliardë metër kub gaz do të shpërndahen nga Rusia në Gjermani përmes detit Baltik çdo vit.

Sipas kompanisë operuese, me këtë sasi gazi mund të furnizohen 26 milionë familje.