‘Made in Albania’ me përkrahje shtetërore

Qeveria do japë 1 miliardë lekë në vit në formën e garancisë sovrane, për të nxitur fermerët që të investojnë në prodhimin e produkteve “Made in Albania”.

Nga kjo nismë do të përfitojnë 6,000 fermerë.

“Ne e japim këtë garanci në bankat tregtare, në kreditimin e investimeve duke ulur riskun e tyre në nivelin 50% të kolateralit, me shpresën se ju do mund të zbusni dhe nivelin e interesit për fermerët shqiptarë dhe për agro-përpunuesit’, tha Frida Krifca, ministre e Bujqësisë dhe Zhvillimit Rural.

I pranishëm në prezantimin e nismës, guvernatori i Bankës së Shqipërisë, Gent Sejko deklaroi se do të mbështesin bujqësinë me kredi bankare.

“Është e qartë se zhvillimi i qëndrueshëm i vendit kërkon vëmendje më të madhe te bujqësia, në rritjen e popullsisë rurale. Mbështetja e fonde e sistemit bujqësor meriton kredi më të madhe nga banka”, tha Sejko.

Nga garancia sovrane përfitojnë fermerët dhe agro-përpunuesit të cilët do të ndërtojnë një serë.

Ata duhet të aplikojnë në bankë për të marrë kredinë e më pas të zhvillojnë biznesin e tyre.

LEXONI GJITHASHTU: 

• Bujqësia nuk njohu zhvillim gjatë 2021, fermerët të pakënaqur me taksat e reja
• Mollët ngelen stok, mungesa e tregut çon drejt falimentimit fermerët e Korçës