Koreja e Jugut shënon rekord infektimesh me COVID

38,691 raste të reja me COVID-19 u konfirmuan brenda 24 orëve të fundit në Korenë e Jugut, duke shënuar shifrën më të lartë ditore që prej fillimit të pandemisë.

Infektimet kanë ardhur për shkak të përhapjes së variantit Omicron.

Në Korenë e Jugut janë aktualisht mbi 1 milion raste aktive me virusin.

Rasti i parë me COVID në Korenë e Jugut u konfirmua në janar të vitit 2020, duke u bërë vendi i parë me numër të lartë infektimesh pas Kinës.

Deri më tani, virusi në Korenë e Jugut u mbajt nën kontroll falë strategjisë së rreptë të shtetit, strategji që përfshiu gjurmim të rasteve, vendosjen e maskës në ambiente të jashtme dhe të brendshme si edhe karantinë.

Por përhapja e Omicron bëri që infektimet të përhapen me shpejtësi. Rastet ditore janë gati pesë herë më të larta se dy javë më parë.

Por, me gjithë përhapjen, virusi nuk është bërë më agresiv në Korenë e Jugut, gjë që i atribuohet vaksinimit masiv sipas autoriteteve vendase.

Numri i vdekjeve ka mbetur i ulët, ku krahas 38,691 rasteve të reja pati 15 të vdekur nga virusi të shtunën, sipas Agjencisë Koreane të Kontrollit dhe Parandalimit të Sëmundjeve.

Koreja e Jugut deri tani ka raportuar 1,009,688 infektime COVID-19, dhe 6,873 vdekje.

Gati 86% e popullsisë 52 milionëshe të vendit është plotësisht e vaksinuar, me më shumë se 54.5% që kanë marrë doza përforcuese.