Macron në Kiev për uljen e tensioneve Rusi – Ukrainë

Një ditë pas takimit me presidentin rus Putin të hënën, presidenti francez Macron mbërrin në Kiev, në përpjekje për të ulur tensionet Rusi – Ukrainë.

Propozimet e Macron përfshijnë një angazhim nga të dyja palët për t’u larguar nga lëvizjet ushtarake, për të filluar dialog dhe negociata paqeje mbi konfliktin në Ukrainë.

Një ditë më parë Putin ra dakord se disa nga propozimet e Macronit mund të shërbejnë si bazë për zgjidhjen e konfliktit.

Putin e përshkroi takimin me “natyrë biznesi”, por vuri në lojë kritikat perëndimore për vendosjen e ushtrisë ruse pranë kufirit ukrainas.

Pas takimit me presidentin ukrainas Zelensky, Macron do të takohet me kancelarin gjerman Olaf Scholz në Berlin.

Lexoni gjithashtu:

• Macron pas takimit me Putin: Ditët në vijim, vendimtare për fatin e Ukrainës
• Ukrainë, historia e një gruaje pranë vijës së frontit