Autoritetet çeke lehtësojnë masat anti-COVID

Autoritetet çeke vendosën që certifikata e vaksinimit nuk nevojitet më për të hyrë në restorante dhe palestra. Ky vendim u prit mirë nga qytetarët.

“Unë punoj në një kafene, vetëm lart në tarracë, është shumë e bezdisshme t’u kërkosh të gjithëve një leje Covid kur vijnë për të ngrënë. Pra, në fakt jam shumë i lumtur që qeveria e hoqi qafe”, u shpreh një punonjës.

Ndërsa disa shtete po heqin kufizimet, OBSH ka nisur një plan me anë të të cilit vendet më pak të  vaksinuara, me të ardhura të ulëta dhe të mesme mund të marrin teste, trajtime dhe vaksina.

“Siç është përshkruar në kuadrin e financimit që po publikojmë sot, paketa e pandemisë kërkon 23 miliardë dollarë amerikanë për të shpëtuar jetë, për të adresuar kërcënimin e Omicron dhe për të parandaluar shfaqjen e varianteve edhe më të rrezikshme”, tha kreu i OBSH-së, Tedros Adhanom Ghebreyesus.

Rumania është një nga vendet ku lufta kundër Covid-it mbetet një luftë e vështirë. Shërbimi i ambulancës në Bukuresht është i mbingarkuar nga thirrjet e urgjencave Covid.

Është e vështirë t’i përgjigjet kërkesës,pasi valë e pestë e pandemisë po shkakton rekorde të të infektuarish.

Ndërsa në Kinë ka një kujtesë për metodat e ndryshme të luftimit të Covid. Pekini ndjek politikën “tolerancë zero” ndaj pandemisë.