Afganët kundër Biden për dhënien e 3.1 mld eurove për viktimat e 11 shtatorit

Të shtunën, demonstruesit në Kabul dënuan urdhrin e Presidentit Joe Biden për dhënien e rreth 3.1 miliardë eurove nga asetet afgane të ngrira nga SHBA për familjet e viktimave të 11 shtatorit të Amerikës.

Ata nënvizuan se paratë u përkasin afganëve. Protestuesit që u mblodhën jashtë xhamisë së madhe të kryeqytetit afgan, Eid Gah, kërkuan nga SHBA kompensim financiar për dhjetëra mijëra afganë të vrarë gjatë 20 viteve të fundit të luftës në Afganistan.

Urdhri i Biden, i nënshkruar të premten, akordon 3.1 miliardë euro të tjera të aseteve afgane për ndihma humanitare nëpërmjet një fond besimi të menaxhuar nga OKB-ja për të ndihmuar afganët.

Ekonomia e vendit është në prag të kolapsit pasi paratë u ndaluan të hynin në Afganistan me ardhjen e talebanëve në mes të gushtit.

Në të njëjtën kohë, Afganistani po vuan edhe një krizë urie. Pothuajse 24 milionë njerëz në këtë shtet vuajnë nga uria akute.