Kancelari gjerman viziton Kievin dhe Moskën

Pak para se të niste turin e tij diplomatik, kancelari gjerman Olaf Scholz paralajmëroi sanksione për Rusinë nëse sulmon Ukrainën. Sot, Scholz do të vizitojë Kievin, ndërsa të martën shkon në Moskë për takimin e tij me presidentin Putin.

Everyone can be absolutely sure that Germany stands side by side with its allies and especially the United States when it comes to Russia and the Ukraine. We are prepared to take all necessary steps together. There is no disagreement in this situation. https://t.co/KMsOxCcmuf

— Olaf Scholz (@OlafScholz) February 8, 2022

Ukraina ka bërë thirrje për një takim me Rusinë dhe anëtarë të tjerë të sigurisë evropiane brenda 48 orëve. Ministri i Jashtëm, Dmytro Kuleba tha se Rusia i kishte injoruar të jgitha kërkesat e tyre zyrtare.

Shtetet e Bashkuara theksojnë se ushtria ruse, e cila ka më shumë se 100 mijë trupa të grumbulluara pranë Ukrainës, mund të nisë pushtimin në çdo moment. Moska mohon të ketë ndonjë plan të tillë dhe thotë se veprimet e saj janë një përgjigje ndaj agresionit të vendeve të NATO-s.

Rusia kërkon garanci nga Perëndimi se NATO nuk do të lejojë Ukrainën dhe vendet e tjera ish-sovjetike të bashkohen me të dhe që të tërheqë forcat e saj nga Evropa Lindore. SHBA dhe NATO i refuzojnë këto kërkesa.

Duke iu trembur një lufte të mundshme shumë shtete përfshirë edhe Shqipëria, Kosova , Maqedonia e Veriut u kanë bërë thirrje shtetasve të tyre të largohen sa më parë nga Ukraina.

LEXONI GJITHASHTU:

• Deti që bashkon Rusinë me Ukrainën, pre e gjeopolitikës