Ministri britanik: Mbështesim çdo vendim të Ukrainës për pjesëmarrjen në NATO

Britania e Madhe do të mbështesë çdo gjë që Ukraina vendos të bëjë për ambicien e saj për t’u bashkuar me NATO-n, tha të hënën Ministri i Forcave të Armatosura të Britanisë, James Heappey.

“Në mënyrë të ngjashme, nëse Ukraina do të dëshironte të rezervonte pozicionin e saj dhe të thoshte se në të ardhmen mund të dëshirojë të bashkohet me NATO-n, ne do ta mbështesim edhe atë sepse kjo është ajo që është sovraniteti dhe kjo është ajo që ne mbështesim”, tha ministri.

Një zëdhënës i presidentit të Ukrainës, Volodymyr Zelenskiy, u shpreh se aspiratat për anëtarësim në NATO dhe BE janë të përfshira në kushtetutën e saj dhe mbeten një prioritet absolut.

Së fundmi është zhvilluar një bisedë telefonike mes presidentit Joe Biden dhe homologut të tij Valdimir Putin.

Mësohet se Joe Biden i tha Vladimir Putinit se Perëndimi do t’i përgjigjet me vendosmëri çdo sulmi ndaj Ukrainës, duke shtuar se një hap i tillë do të prodhonte vuajtje të gjerë dhe do të izolonte Moskën.