Plumba mbi policinë, vritet efektivi në krye të detyrës, plagoset kolegu i tij

Drejtori i Përgjithshëm i Policisë së Shtetit, Skënder Hita në një deklaratë për mediat nga Korça ka folur lidhur me ngjarjen e rëndë ku humbi jetën një efektiv dhe u plagos një tjerër gjatë operacionit të arrestimit të Violand Braçellarit.

Ai theksoi se ka nisur hetimi disiplinor. Hita u pyet lidhur me operacionin teksa theksoi se nuk ka patur dijeni dhe se është zhvilluar nga drejtoria e Korçës. Sipas tij nëse do të ishte në dijeni do të ishin marrë masa edhe më të forta.

“Në momentin që është zhvilluar operacioni nuk kam pasur dijeni, masat për operacionin janë operacionale që i përkasin vetëm DVP Korçë, po të kishin kërkuar ndihmë do ishin marrë masa edhe më të forta.

Kam urdhëruar drejtorinë për të nisur hetim për procedurat standarde që janë ndjekur për hetimin e këtij shtetasi në kërkim. Të gjithë kanë qenë me jelek antiplumb, por arma kallashnikov që ka përdorur autori, ka përshkuar tejpërtej edhe antiplumbin”, tha Hita ndër të tjera.

Nëna e autorit të vrasjes së policit Enea Mekolli dhe plagosjes së policit Edison Adri është shoqëruar nga forcat e policisë në ambjentet e drejtorisë së policisë vendore të qarkut të Korçës ku e po merret në pyetje nga grupi i hetimit lidhur me ngjarjen e rëndë.

Polici i Shqiponjave Enea Mekolli humbi jetën dhe efektivi Edison Adri mbeti i plagosur rëndë pas përplasjes me armë me Violand Braçellarin.

Efektivi Adri pas ngjarjes i është nënshtruar një ndërhyrjeje kirurgjikale në pjesën e nofullës. Operacioni ka rezultuar i suksesshëm duke sjell edhe stabilizim të gjendjes shëndetësore. I plagosuri po mbahet nën monitorimin e bluzave të bardha të Traumës.

Efektivi i plagosur, Edison Adri i është nënshtruar një ndërhyrjeje kirurgjikale në pjesën e nofullës. Burime bëjnë me dije se operacioni ka rezultuar i suksesshëm duke sjell edhe stabilizim të gjendjes shëndetësore. I plagosuri po mbahet nën monitorimin e bluzave të bardha të Traumës.

Autori i ngjarjes Violand Braçellari, sipas burimeve nga Trauma ndodhet jashtë rreziku për jetën, ndërsa do vijon të qëndroj nën kujdesin mjekësor.

Një punonjës policie u vra dhe një tjetër u plagos gjatë një operacioni për kapjen e Braçellarit një personi në kërkim prej vitesh në fshatin Podenë, në Bashkinë Maliq.

Polici i Shqiponjave Enea Mekolli humbi jetën dhe efektivi Edison Adri mbeti i plagosur rëndë pas përplasjes me armë me Braçellarin.

Autori i ngjarjes Vjoland Braçellari ishte person me precedentë kriminalë, i shpallur në kërkim prej disa vitesh për lëndë nërkotike.

Euronews Albania mëson se ai jetonte në një stan në pyll ku bënte stërvitje dhe qitje dhe si ish ushtarak kishte përgatitje të lartë ushtarake në përdorimin e armëve.

Ministri i Brendshëm, Besfort Lamallari, njoftoi se kanë nisur procedurat për shpalljen e efektivit Enea Mekolli, i cili humbi jetën gjatë kryerjes së detyrës, me titullin “Dëshmor i Atdheut”.

Në një deklaratë për mediat nga Spitali i Traumës, Lamallari e cilësoi ngjarjen një humbje të rëndë për Policinë e Shtetit dhe për shtetin shqiptar, ndërsa bëri të ditur se është takuar me familjen e policit të plagosur dhe me stafin mjekësor.

“Po bëjmë gjithçka që gjendja e tij të mbetet e stabilizuar. Duhet t’u japim kohë mjekëve të kryejnë punën e tyre, me shpresën që ai të rikthehet sa më shpejt pranë familjes”, u shpreh ministri.

Lamallari theksoi se, paralelisht me procedurat për shpalljen e Mekollit “Dëshmor i Atdheut”, është urdhëruar edhe një hetim i plotë për të verifikuar respektimin e protokolleve dhe menaxhimin e situatës nga strukturat përgjegjëse.

“Kam kërkuar një vlerësim të detajuar të rrethanave, respektimit të procedurave dhe marrjen e çdo mase ligjore sipas përgjegjësive që përcakton ligji. Çdo person që do të rezultojë përgjegjës nga ky hetim do të mbajë përgjegjësi”, deklaroi ai.

Ministri shtoi se Policia e Shtetit numëron 232 efektivë të rënë në detyrë ndër vite, duke e cilësuar ngjarjen në Maliq si një tragjedi që ka prekur mbarë vendin.

Detaje të reja kanë dalë në dritë lidhur me Violand Braçellarin, autorin e dyshuar të vrasjes së efektivit të Policisë së Shtetit, Enea Mekolli, gjatë operacionit të zhvilluar në Maliq.

Sipas burimeve, në momentin e arrestimit Braçellari ka shfaqur gjakftohtësi të plotë. Personat që e kanë shoqëruar me ambulancë tregojnë se, pavarësisht plagëve të marra nga tre plumba në dorë dhe në bark, ai nuk ka shfaqur shenja dhimbjeje apo shqetësimi gjatë transportimit.

Po sipas të njëjtave burime, autori i dyshuar nuk ka shprehur pendesë për ngjarjen e rëndë.

Ndërkohë, raportohet se rreth një vit më parë Braçellari dyshohet të ketë qenë i përfshirë edhe në një episod të rëndë dhune ndaj një shtetasi tjetër. Sipas informacioneve paraprake, ai mendohet se e ka tërhequr viktimën zvarrë me kalë për më shumë se dy orë.

Skënder Brataj, Drejtor i Urgjencës ka njoftuar mbi gjendjen aktuale të evektivit të plagosur Edison Adri.

Brataj shpjegon se gjendja e tij është stabilizuar dhe ndodhet në kujdesin e mjekëve.

Për gjendjen e autorit të ngjarjes, Brataj shton se është nisur me ambulancë drejt spitalit të Traumës, pas një ndihme të shpejtë në Korçë.

“Dëmtimet janë jetë kërcënuese por gjatë ndërhyrjes që i është bërë në Korçë dhe gjatë transportit efektivit të plagosur, ai ka qenë stabël jashtë rrezikut për jetën por mbetet në dinamikë vlerësimi për të. Parametrat janë në normë, nuk ka hemorragji dhe tani është stabël. Është futur në sallë. Është dëmtuar tek indet e gojës dhe qafës, ekipi po bën vlerësimin.

Autori ndërkohë është vlerësuar në sapitalin e Korçës. Është stabilizuar dhe është nisur me ambulancë drejt Traumës”, ka thënë Brataj.

Kreu i Policisë së Shtetit, Skënder Hita ka reaguar pas ngjarjes së rëndë të ndodhur në Maliq, ku gjatë një operacioni policor humbi jetën efektivi Enea Mekolli, ndërsa një tjetër punonjës policie mbeti i plagosur rëndë.

“Sot është një ditë e trishtuar për Policinë e Shtetit. Ne humbëm një koleg të mrekullueshëm, një baba të përkushtuar dhe Policia e Shtetit humbi një nga shërbëtorët e saj. Në këtë ngjarje mbeti i plagosur rëndë edhe një tjetër efektiv policie”, u shpreh ai.

 “Është një ngjarje që të lë pa fjalë. Nuk do të doja të isha sot para jush në këto rrethana”, shtoi Hita.

Efektivi i ‘Shqiponjave’ Edison Adri që mbeti i plagosur nga operacioni në Lozhan të Maliqit, u transportua për mjekim të specializuar drejt Spitalit të Traumës me helikopterin e ushtrisë.

Gjendja e tij raportohet se paraqitet e rëndë për jetën.

Nga kjo përplasje me armë humbi jetën efektivi i policisë, Enea Mekolli. Shkak për këtë ngjarje u bë autori i dyshuar Violand Braçellari. Ky i fundit ish-ushtarak, i shpallur në kërkim ndërsa ishte dënuar në mungesë me 10 vjet burgim nga Gjykata e Korçës për veprën penale të prodhimit dhe shitjes së lëndëve narkotike

Seanca e së enjtes në Kuvend nisi me një minutë heshtje në nder të efektivit të vrarë në krye të detyrë në Maliq.

Ishte kreu i grupit parlamentar të PS Taulant Balla që kërkoi mbajtjen e 1 minutë heshtje për rënien në krye të detyrës së efektivit të policisë së shteti

“Gjatë një operacioni të vështirë për kapjen e një personi shumë të kërkuar, i cili prej vitesh i ishte fshehur forcave të policisë në malet e Korçës dhe në mënyrë të përsëritur kishte mundur t’u shpëtonte rrethimeve, ka rënë në krye të detyrës efektivi i Policisë së Shtetit, ndërsa një tjetër koleg i tij është plagosur. Autori, pasi ka hapur zjarr, ka mbetur i plagosur dhe është vënë në pranga nga policia.

Në emër të PS kërkojmë mbajtjen e 1 minutë heshtje në nderim të kujtimit të efektivit të Policisë së Shtetit Enea Mekolli, i rënë në krye të detyrës dhe i sapo shpallur dëshmor i atdheut”, tha Balla.

Kryetari i Kuvendit, Niko Peleshi ka reaguar mbi ngjarjen e rëndë në Korçë, teksa humbi jetën efektivi i Shqiponjës, Enea Mekolli, dhe mbeti i plagosur, Edison Adri.

Reagimi:

I rëndë dhe i dhimbshëm lajmi për rënien në krye të detyrës të efektivit të Policisë së Shtetit, Enea Mekolli, gjatë një operacioni policor në Maliq.

Ngushëllimet më të sinqerta shkojnë për familjen e tij, të afërmit, kolegët dhe gjithë Policinë e Shtetit në këtë moment.

Sakrifica e tij në shërbim të ligjit, rendit dhe sigurisë së qytetarëve meriton respektin dhe mirënjohjen më të lartë.

Reagim i kryetarit të grupit Parlamentar të PD, Gazment Bardhi

I tronditur nga vrasja e një punonjësi të Policisë së Shtetit në krye të detyrës dhe plagosjes së kolegut të tij. Dënoj me forcë aktin dhe besoj plotësisht që autori do të marrë dënimin maksimal dhe të merituar.

Ngushëllime të sinqerta familjes, miqëve dhe kolegëve të punonjësit të Policisë të rënë në krye të detyrës dhe uroj me zemër shërim sa më të shpejtë për kolegun e tij të plagosur.

“Sot një familje humbi njeriun e saj të dashur, Policia e Shtetit humbi një koleg, Shqipëria humbi një shërbëtor të përkushtuar të ligjit”, u shpreh ministri.

“Dënoj me forcën më të madhe këtë akt kriminal të rëndë në Maliq, një sulm jo vetëm ndaj punonjësve të Policisë së Shtetit, por ndaj vetë rendit, ligjit dhe sigurisë së qytetarëve. Autori do të përballet me të gjithë forcën e ligjit dhe nuk do të ketë asnjë mundësi t’i shpëtojë drejtësisë”, deklaroi Lamallari.

Në reagimin e tij, Lamallari uroi shërim të shpejtë edhe për efektivin e plagosur, Edison Adri.

“Efektivit të plagosur, Edison Adri, i uroj shërim të shpejtë dhe rikthim sa më parë pranë familjes dhe kolegëve të tij”, përfundoi ministri i Brendshëm.

Kryeministri Rama ka shprehur ngushëllime familjes së viktimës, duke e cilësuar këtë të fundit Dëshmor të Atdheut.

“Gjatë një operacioni kurajoz për kapjen e një të shumëkërkuari, që prej vitesh i fshihej ligjit në malet e Korçës dhe në mënyrë të përsëritur kishte arritur t’u ikte rrethimeve të forcave të rendit, ka humbur jetën një efektiv policie dhe është plagosur një i dytë, ndërkohë që pasi ka hapur  zjarr ndaj tyre u plagos dhe u kap edhe krimineli!

Nderim përjetë dëshmorit të atdheut, ngushëllime familjes dhe shërim të shpejtë efektivit tjetër

Ndëshkim maksimal për të shumëkërkuarin dhe respekt maksimal për Policinë e Shtetit, që nuk do të ndalet asnjëherë në misionin e saj, shkruan Rama.