“Air Serbia” rrezikohet nga sulmet me bomba gjatë fluturimeve drejt Rusisë
Kompania ajrore kombëtare serbe ende fluturon për në Rusi, pasi Serbia nuk iu bashkua ndalimit të fluturimeve të BE-së.
Ura ajrore ndërmjet Serbisë dhe Rusisë është e vështirë për t’u kaluar sepse pak ditë më parë shumë fluturime u detyruan të ktheheshin në Beograd pas ngritjes për shkak të kërcënimeve të vazhdueshme me bomba.
“Ne duhet të përpiqemi të gjurmojmë kërcënimin, qoftë ai me e-mail, një telefonatë apo një letër. Është kapiteni ai që vendos se ku do të ulë aeroplanin, por ai e bën këtë duke pasur parasysh rregulloret ndërkombëtare, kështu që shumë shpesh avionët kthehen në Beograd”, u shpreh Radojko Caran, ndihmës komandanti i brigadës së policisë të Beogradit.
Fluturimi i ‘Turkish Airlines’ nga Moska më 22 mars përjetoi po ashtu kërcënimet për bombë. Procedurat e sigurisë janë të shtrenjta, kështu që ‘Air Serbia’ tashmë ka ulur numrin e fluturimeve në javë, por ka rritur çmimet e biletave.
Eksperti i aviacionit Luka Popoviç beson se BE-ja po mbyll një sy në linjën ‘Air Serbia’ për në Moskë, sepse ata gjithashtu kanë nevojë për një lloj ure ajrore në mënyrë që punëtorët nga Evropa Perëndimore të mund të largohen ose të shkojnë në Rusi.
Ish-ministri i jashtëm i Estonisë, Urmas Pet, u shpreh se ‘Air Serbia’ duhet të ndalojë fluturimet në Rusi, por Komisioni Evropian nuk ka autoritet për ta ndaluar, pasi Serbia nuk është një vend anëtar i BE-së.
LEXONI GJITHASHTU:
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta