Greta Thanbërg do të publikojë ‘Librin e klimës’

Aktivistja e klimës Greta Thanbërg ka njoftuar se do publikojë një libër ku do trajtohen krizat mjedisore në botë.

Penguin Random House njoftoi të enjten se “Libri i klimës” do të publikohet në tetor në Britani.

Libri synon të ndihmojë lexuesit të lidhin pikat midis kërcënimeve për klimën, mjedisin, qëndrueshmërinë dhe popullatat indigjene, ku synohet si një udhëzues për mirëkuptimin dhe aktivizmin.

“Shpresoj se ky libër mund të jetë një lloj burimi për të kuptuar këto kriza të ndryshme, të ndërlidhura ngushtë”, u shpreh Greta Thanbërg.

Aktivistja e klimës e përpiloi manualin me contribute nga shkencëtarë dhe shkrimtarë.

Chloe Currens, redaktore në Penguin Press, tha se ishte “një libër unik, i gjallë me qëllim moral, i cili synon të ndryshojë përgjithmonë bisedën për klimën”.

Thanbërg filloi të anashkalonte shkollën një herë në javë për të protestuar ndaj ndryshimeve klimatike në vitin 2018, kur ishte 15 vjeç.

LEXONI GJITHASHTU:

• Greta Thunberg drejton protestën për klimën në Berlin, manifestim edhe në Londër
• Kinematografia e prillit, nga dokumentari mbi Greta Thunberg, te filmi me protagonist Russell Crowe