Rinisin bisedimet Moskë-Kiev, qëndrimi i Rusisë për Krimenë dhe Donbasin

Bisedimet e paqes në Ukrainë rinisin sërish sot në formatin e telekonferencës.

Kryenegociatori rus Vladimir Medinsky shkroi në telegram të dielën se një projekt-traktat ishte larg të qenit gati për t’u dorëzuar në një takim të nivelit të lartë dhe përsëriti se qëndrimi i Rusisë për Krimenë dhe Donbasin nuk ka ndryshuar.

Rusia gjithashtu i ka kërkuar Këshillit të Sigurimit të OKB-së që të mblidhet sot dhe të diskutojë atë që Moska e quan “një provokim nga radikalët ukrainas” në qytetin Boucha.

Ministria ruse e mbrojtjes i quajti imazhet dhe videot nga Bucha një “performancë të inskenuar” dhe titujt e mediave shtetërore e përshkruajnë atë si “provokim”.

Kievi ka akuzuar forcat ruse për kryerjen e një masakre të qëllimshme të civilëve në qytetin e Bucha. Presidenti i Ukrainës Volodimir Zelensky njoftoi se kishte krijuar një “mekanizëm të posaçëm” për të hetuar “krimet” ruse në Ukrainë.

Sekretari i Përgjithshëm i OKB-së Antonio Guterres tha se ishte “thellësisht i tronditur” nga imazhet e civilëve të vrarë në Bucha dhe bëri thirrje për një hetim të pavarur.

LEXONI GJITHASHTU:

• Takimi Putin-Zelenski mund të mbahet në Turqi
• Ushtria e Ukrainës rimerr kontrollin e të gjithë Kievit, thotë zv.ministrja