Emiratet e Bashkuara dënojnë me vdekje izraeliten që u kap me drogë

Një gjykatë në Emiratet e Bashkuara Arabe ka dënuar me vdekje një grua izraelite, e cila u shpall fajtore pasi u kap me 500 gramë kokainë.

43-vjeçarja Fidaa Kiwan ka apeluar vendimin e gjykatës.

Në një deklaratë, Ministria e Jashtme izraelite tha: “Rasti është i njohur dhe ne po e trajtojmë atë përmes shërbimit konsullor dhe përfaqësuesve tanë në Emiratet”.

Mediat izraelite raportuan se Kiwan, e cila drejton një studio fotografie në Haifa në Izraelin verior, u vendos në Dubai për punë rreth një vit më parë.

43-vjeçarja u arrestua pasi policia gjeti kokainën në apartamentin ku ajo po qëndronte.

Dënimet me vdekje zbatohen rrallë në Emiratet e Bashkuara Arabe. Ziv Agmon, një avokat izraelit i specializuar në ligjin e Emirateve, i cili nuk është i përfshirë në këtë rast, i tha CNN se priste që gjykatat e Emirateve të Bashkuara Arabe të zbutën dënimin.

Ai shtoi se nuk ka asnjë marrëveshje zyrtare riatdhesimi midis Emirateve të Bashkuara Arabe dhe Izraelit.

LEXONI GJITHASHTU:

• Çfarë po ndodh në Odesa? Frikë se rusët mund të shkojnë në Moldavi
• Ministrat e Jashtëm të NATO-s mblidhen në Bruksel për Ukrainën