Armenia dhe Azerbajxhani nisin bisedimet për paqe

Armenia dhe Azerbajxhani po përgatiten për të filluar bisedimet për paqe, pas konfliktit të vitit të kaluar në rajonin e Nagorno-Karabakh.

Kryeministri i Armenisë Nikol Pashinyan dhe Presidenti i Azerbajxhanit Ilham Aliyev, u takuan të mërkurën në Bruksel.

Takimi u iniciua nga Presidenti i Këshillit Europian Charles Michel, shkruan Al Jazeera.

“Gjatë takimit, të dy liderët urdhëruan Ministritë e Jashtme përkatëse, për të filluar punën për nisjen e bisedimeve midis dy vendeve”, thuhet në një njoftim nga Ministria e Jashtme e Armenisë.

Ministrja e Jashtme e Azerbajxhanit njoftoi se bisedimet për paqe, do të shërbejnë për marrëdhëniet në të ardhmen dhe do të bazohen në pikat e propozuara më herët prej tyre.

Presidenti Michel, u shpreh se të dy liderët treguan gatishmëri për të ecur përpara dhe për të arritur paqen midis dy shteteve.

Nagorno-Karabakh sipas ligjit ndërkombëtar i përket Azerbajxhanit, por që është e banuar nga armenë.

Përplasjet e fundit në vitin 2020 mes Azerbajxhanit dhe Armenisë ishin më të rëndat që prej viteve ’90, kur rreth 30 mijë persona mbetën të vrarë.

LEXONI GJITHASHTU:

• Armenët marrin arratinë, Nagorno-Karabakh, banorët u vënë flakën shtëpive para largimit
• Armëpushim në Nagorno-Karabakh, Azerbajxhani, Armenia dhe Rusia nënshkruajnë një marrëveshje