Hong-Kong, policia hedh gaz lotsjellës mbi protestuesit

Policia e Hong-Kongut ka hedhur gaz lotsjellës mbi qindra protestues të veshur me të zeza që protestonin ligjin e ri kombëtar të sigurisë të propozuar nga Kina, pasi frikës se ky i fundit mund  të sjellë fundin e lirive për qytetin.

Legjislacioni i propozuar nga Pekini ndalon aktivitetet separatiste, si dhe ndërhyrjet e jashtme në krahinën gjysmë autonome.

Kjo vjen pas paralajmërimeve të vazhdueshme të Kinës së nuk do të toleronte disidentët e Hong-Kongut, pas protestave masive kundër qeverisë gjatë vitit të shkuar, të cilat u përshkallëzuan deri në dhunë.

Mbështetësit e demokracisë në Hong-Kong e kanë kritikuar ligjin kombëtar të sigurisë duke u shprehur se bie ndesh me parimin “një vend, dy sisteme”.

Ligji i ri pritet të miratohet më 28 maj, çka do lejonte qeverinë e Hong-Kongut të hapte agjenci kineze në qytet. Kjo ka shkaktuar polemika se mund t’i hapë rrugën agjentëve kinez që të arrestojnë qytetarë për aktivitete pro-demokracisë.  

Një sërë qeverish perëndimore kanë ngritur zërin kundër legjislacionit të ri.  

Sekretari i Shtetit të SHBA Mike Pompeo i ka bërë thirrje Kinës që të reflektojë edhe njëherë mbi “propozimin shkatërrimtar”, duke thënë se “do ishte vdekjeprurës për nivelin e lartë të autonomisë që Pekini i ka premtuar Hong-Kongut”.