Gjermania synon të heqë kufizimet për 31 shtete evropiane, por me kushte

Qeveria gjermane planifikon të lehtësojë masat kufizuese për udhëtimet turistike ndërkombëtare. Një vendim i tillë pritet të hyjë në fuqi më 15 qershor për 31 shtete evropiane, ndërkohë që kusht mbetet situata pozitive nga coronavirus.

Në këtë plan përfshihen 26 vendet anëtarë të BE, por edhe Britania dhe 4 shtetet e zonës Schengen që nuk janë pjesë e unionit; Islanda, Norvegjia, Zvicra dhe Lihtenshtejn.

Gjermania synon të zëvendësojë paralajmërimin global të udhëtimit me udhëzime individuale, të cilat do të rendisin rreziqet për secilin vend. Për të siguruar mbrojtjen sa më të mirë  për turistët, qeveria federale dëshiron të aplikojë një listë kriteresh brenda bllokut.