9 vendet për t’u vizituar në Kroaci, nga ushqimet tradicionale tek arkitektura

Prej datës 3 maj, Kroacia ka hequr të gjitha rregullat e saj të COVID-19 për qytetarët të cilët dëshirojnë të udhëtojnë në këtë shtet.

Në deklaratën e Zyrës Kombëtare të Turizmit kroat, është njoftuar se udhëtarët nuk kanë nevojë për të treguar një test Covid-i me rezultat negativ ose dëshmi të vaksinimit.

9 vendet që duhet të vizitohen:

Rijeka

Rijeka, i cili është kryeqyteti kulturor i BE-së në vitin 2020, pëlqehet nga turistët për arsye sepse aty mund të shikojnë arkitektura neoklasike.

Zagrebi

Zagrebi është reflektimi i perandorisë austro-hungareze, ku mund të vizitoni Katedralen Neo-Gotike. Gjithashtu mund të provoni “grenadir marsa’, të cilat janë makaronat me qepë dhe djathë, ëmbëlsirën e karamelizuar ‘Kajzersmarn’ dhe biskotat e famshme me piper.

Zadar

Në Zadar mund të eksploroni historinë e shkuar që ka ndodhur 3000 vite më parë. Likeri i qershisë Maraschino me famë botërore, është një ndër recetat tradicionale të Zadarit të bëra nga qershitë indigjene. Po kështu, mund të shijoni edhe djathin Pag.

Sibenik

Në Sibenik mund të vizitoni kopshtet mesjetare. Kopshtet janë të hapura gjatë gjithë vitit, ku shpesh organizohen festa gjatë verës. Mund të provoni ushqimin si ‘Crni rizot’, e cila është një rizoto e zezë me kallamar, e shërbyer me djathë të grirë.

Primosten

Në Primosten mund të vizitoni Portën e Qytetit të Vjetër. Gjithashtu mund të vizitoni kishën famullitare të Shën Gjergjit, e ndërtuar në shekullin e 15-të e cila ka një pamje unike përballë detit. Një tjetër specialitet vendas është rakia e frutave, e cila është e njohur edhe në Ballkan.

Trogir

Në Trogir mund të vizitoni muzeun e famshëm të njohur si ‘muze i qytetit’, dhe kishat romane-gotike duke veçuar Katedralen e ‘Shën Lorencit’ dhe kështjellën mesjetare Kamerlengo, e cila është ndërtuar nga venecianët në vitet 1400. Nga ushqimet mund të provoni ‘pasticada’, një nga pjatat më të njohura dalmate, e cila është mishi i zier i viçit.

Split

Në Split mund të vizitoni pallatin 1700-vjeçar të Dioklecianit, i cili rrethohet nga rrugët me kalldrëm. Nga ushqimet mund të provoni ‘soparnik’, një nga pjatat tradicionale autentike kroate, i cili është një nga byrekët më të shijshëm.

Hvar dhe Stari Grad

Hvar është shtëpia e ‘Teatrit Publik’, një nga teatrat e parë në Europë, i cili tani është kthyer në biznes pas 20 vitesh restaurim. Hvar është i hapur për vizita, i cili ka shfaqje të vazhdueshme gjatë gjithë vitit. Ndërsa për ushqim mund të provoni gregada, e cila është një zierje e thjeshtë e peshkut me patate.

Dubrovnik

Dubrovnik është perla e Adriatikut, ku mund të vizitoni katedralen, e cila është e ndërtuar mbi rrënojat e një kishe të shekullit të 12-të. Atje mund të provoni proshutë të tymosur, lakër, patate dhe perime të tjera. Gjithashtu, mund të provoni rozata, e cila është një ëmbëlsirë tradicionale mesjetare nga Dubrovniku.