Zvicra, shpëtimi i oligarkëve rusë, vjen reagimi nga SHBA

Zvicra, e cila i është bashkuar sanksioneve të BE-së, ka bllokuar asetet e rusëve me vlerë rreth 8 miliardë dollarë, ku përfshihen llogari bankare, pasuri të paluajtshme dhe objekte arti. Ato janë të bllokuara, por jo të konfiskuara dhe mbeten pronë e pronarëve të tyre.

Komisioni amerikan akuzon Zvicrën për shkelje të sanksioneve ndërkombëtare ndaj Rusisë.

Eksperti zviceran kundër korrupsionit Mark Pieth ka dëshmuar para  komisionit të Shteteve të Bashkuara që akuzon Zvicrën për fshehjen e aseteve ruse.

“Avokatët nuk i prekin paratë, por ndërtojnë të ashtuquajturat struktura për klientët e tyre, kompani guaska, llogari offshore. Dhe kështu me radhë. Kjo është e rrezikshme sepse ndihmon pastrimin e parave”, u shpreh Mark Pieth, profesor i Kriminologjisë.

Komisioni amerikan për Siguri dhe Bashkëpunim që operaon në Evropë, i ka lëshuar kritika të ashpra ndaj rolit të Zvicrës në fshehjen e aseteve ruse.

E njohur prej kohësh si një destinacion për kriminelët e luftës dhe kleptokratët, Zvicra është një mundësi e mirë e presidentit rus Vladimir Putin dhe miqve të tij.

Putini dhe oligarkët e tij përdorin ligjet zvicerane për të fshehur dhe mbrojtur të ardhurat nga krimet e tyre, “thuhet në deklaratë. Qeveria zvicerane i hedh poshtë akuzat duke theksuar se është në komunikim të vazhdueshëm me të gjithë aktorët  brenda dhe jashtë vendit.

“Problemi është se në një moment amerikanët duan të kenë emrat. Dhe papritmas zviceranët kthehen dhe thonë po, por sekreti bankar dhe aq më tepër sekreti avokat-klient na pengon t’i zbulojmë këta emra”, tha ai më tej.

Zvicra u dënua nga komisioni amerikan. Nëse veprimet e agjencisë do të kenë pasoja të mëtejshme, mbetet për t’u parë.

LEXONI GJITHASHTU:

• ‘Rezistojmë deri në plumbin e fundit’, ukrainasit refuzojnë të lënë Azovstalin
• Pse është Mariupoli kaq i rëndësishëm për Rusinë
• Rusia i kërkon falje Izraelit për deklaratat se Hitleri kishte gjak hebre