Neo-fashistët në Itali bashkohen me tifozët e futbollit, përplasje në shesh

Mijëra neo-fashistë italianë dhe tifozë futbolli u mblodhën në stadiumin antik “Circus Maximus” të Romës për të protestuar ndaj masave të qeverisë kundër përhapjes e COVID-19.

Gjatë protestës, disa pjesëmarrës hodhën shishe dhe bomba me gaz në drejtim të policisë dhe gazetarëve pas një përleshjeje mes dy demonstruesve, e cila nisi për shkak të komenteve të njërit prej tyre në media.

Organizatorët shkruan me ironi në faqen  e tyre në Facebook “Djemtë e Italisë”, se ata po qëndronin “krah për krah” me njerëz që “nuk dinë më si të vendosin një pjatë në tryezë për fëmijët e tyre”.

Ndërkohë që disa politikanë dhe organizata antifashiste e quajtën këtë tubim të paligjshëm. Sipas deklarimeve të medias, u arrestuan të paktën 8 persona dhe turma prej afro 2,000 protestuesish u zvogëlua shumë shpejt. Pjesë e protestës ishin tifozë të Lazios dhe disa skuadrave të tjera, por tifozët e Interit dhe Milanos e kundërshtuan një gjë të tillë duke e quajtur protestën shumë politike.