Evropa në protestë kundër racizmit: Nuk mund të marr frymë

Nuk mund të marr frymë, Pa drejtësi nuk ka paqe, Black Lives Matters këto janë thirrjet që kanë pushtuar jo vetëm shtetet amerikane por shumë qytete evropiane e jo vetëm.

Me mijëra protestues në të gjithë Evropën kanë mbushur rrugët në mbështetje të protestës globale kundër racizmit dhe dhunës policore, nismë e nisur në SHBA pas vrasjes së 46 vjecarit afroamerikan George Floyd nga një officer policie.  

Protestuesit mbushën rrugët në Britani, Itali, Spanjë, Belgjikë, Danimarkë dhe Hungari.

Duke mbajtur maskë në fytyrë, të gjunjëzuar dhe duke heshtur për 9 minuta  protestuesit mbushën Sheshin kryesor të Romës .Në pankartat që mbanin në duar lexohej Nuk mund të Marr frymë, Heshtja është dhunë, Black Lives Matters.

Protestat ishin më pak të qeta në Britani të Madhe ku nuk munguan përplasjet me policinë e  cila përdori gazlotsjellës për të shpërndarë turmën. Duke brohorisur Black Lives Matters ata hidhnin shishe dhe mjete pirotektinke kundrejt policisë. Kryebashkiaku I londrës bëri thirrje për qetësi si dhe të respektohet distance sociale.

Edhe në Belgjikë protestat nuk ishin të qeta. Protestuesit hipën mbi statujën e Mbretit leopold 2 duke thirrur vrasës dhe duke valëvitur flamurin e Republikës Demokratike të Kongos.Policia përdori gazlotsjellës për të shpërndarë protestuesit.

Përplasje u shënuan edhe në Gjermani dhe Francë. Në Berlin të paktën 93 persona u arrestuan, policia bëri me dije se disa oficerë dhe një fotograf u lënduan pasi turma hidhte shishe dhe gurë.

Protestat kundët racizmit pritet të vijojnë edhe në ditë në vazhdim.