Biblioteka e Firences rihap dyert pas pandemisë, librat e kthyer në karantinë

Sikurse njerëzit, edhe librat po karantinohen. Kjo është biblioteka kombëtare e Firences, një ndër institucionet e kulturës më të rëndësishme të Italisë.

Këtu, mbi 100 km rafte mbledhin dhe ruajnë çdo gjë që është publikuar çdo vit në vend.

Pas më shumë se 2 muaj bllokadë, biblioteka është rihapur pjesërisht dhe përdoruesit e saj kanë nisur të kthejnë librat që kishin marrë përpara mbylljes.

Sidoqoftë, librat nuk mund të dezinfektohen lehtë pasi letra është shumë delikate që të pastrohet me ndonjë lloj detergjenti.

“Të gjitha materialet dhe volumet që janë dorëzuar nga lexuesit janë magazinuar në një dhomë të posaçme, si kjo këtu dhe vendosur në kuti specifike, sipas datës kur u kthyen, për të qëndruar për 7 ditë”, thotë Anna Lucarelli, nëndrejtoreshë e Librarisë Kombëtare të Firences.

Që prej Luftës II Botërore, ndërtesa nuk është mbyllur kurrë kaq gjatë, as gjatë përmbytjeve shkatërruese të lumit Arno, që kërcënoi të shkatërronte bibliotekën dhe gjithë librat e saj.

“Në 1966-n, tragjedia u kthye në një mundësia të madhe, sepse për herë të parë shumë qytetarë, jo vetëm italianë por edhe të huaj, si dhe shumë të rinj, lanë shtëpitë e tyre dhe udhëtuan, duke bërë rrugë të gjata, për të ardhur këtu dhe shpëtuar trashëgiminë kulturore”, nënvizon Lucarelli.

Për shumë njerëz, kthimi i librave në bibliotekë do të thotë kthim në normalitet.