Trump anulon mitingun, respekton ditën kundër skllavërisë

13 Qershor 2020 | 14:17

Presidenti amerikan Donald Trump deklaroi se do të ndërrojë datën e mitingut në Oklahoma të planifikuar për më 19 qershor, pasi përputhet me ditën përkujtimore të dhënies fund të skllavërisë në Shtetet e Bashkuara.

Gjatë protestave kundër padrejtësive racore, Trump ishte përballur me kritika të ashpra për organizimin e tubimit të parë elektoral në ditën e njohur si Dita e Lirisë së Afro-amerikanëve në Tulsa të Oklahomës, një qytet ku turma e bardhë masakroi banorët me ngjyrë një shekull më parë.

“Shumë nga miqtë dhe mbështetësit e mi afro-amerikanë sugjeruan që të shqyrtonim ndryshimin e datës në respekt të kësaj dite. Ndaj kam vendosur ta zhvendos mitingun për më 20 qershor, në mënyrë që të nderoj kërkesën e tyre”, deklaroi Trump në Twitter.

Trump, që do të kërkojë rizgjedhjen më 3 nëntor, e kishte planifikuar grumbullimin në Tulsa më 19 qershor, dita kur në vitin 1865 Teksasi u bë shteti i fundit pro-skllavërisë që u detyrua t’i bindej Deklaratës së Emancipimit të presidentit Abraham Lincoln gjatë Luftës Civile që i shpallte të gjithë skllevërit njerëz të lirë.

Por mitingu do të mbahet në një kohë tensionesh racore të shkaktuara nga vrasja e 46-vjeçarit me ngjyrë George Floyd nga një oficer policie i bardhë, që i mbajti këmbën në qafë për 9 minuta.

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026