Platforma e re në Instagram, prindërit mund të kontrollojnë fëmijët

Kompania mëmë, Meta, që ka në pronësi Instagram, ka vendosur të publikojë një platformë për të gjithë, prindërit të cilët duan të kontrollojnë postimet dhe veprimet e fëmijëve në këtë rrjet social.

Kjo platfomë do të aktivizohet më 14 qershor në Mbretërinë e Bashkuar, shkruan BBC.

Nëpërmjet kësaj platforme, prindërit mund të planifikojnë kohën e pushimit për fëmijët e tyre dhe mund të shohin çdo postim nga fëmija dhe arsyen pse e ka postuar.

Prindërit tani mund t’i ftojnë fëmijët e tyre të aktivizojnë mjetet e mbikëqyrjes, ku mund të shohim të gjithë aktivitetin e tyre këtë rrjet social.

Në vitin 2021, Instagram ndërpreu planet për të krijuar një platformë Instagram për fëmijët nën moshën 13 vjeç, pas një reagimi të ashpër.

Gjithashtu vitin e kaluar, Wall Street Journal raportoi se Meta – që zotëron Facebook dhe WhatsApp si dhe Instagram – kishte kryer disa kërkime që zbuluan se adoleshentët fajësuan Instagramin për rritjen e ndjenjave të ankthit dhe depresionit – dhe më pas e mbajtën të fshehtë studimin.

LEXONI GJITHASHTU:

• Facebook dhe Instagram kufizojnë postimet e mediave ruse