Përplasje në kufi, vriten 20 ushtarë indianë, tensionohen raportet mes Kinës dhe Indisë

Të paktën 20 ushtarë indianë u vranë në një përleshje me forcat kineze në një zonë të diskutueshme të kufirit Himalajan.

Incidenti pason tensionet në rritje, dhe është përplasja e parë me viktima në zonën kufitare në të paktën 45 vite.

Ushtria indiane fillimisht tha se tre ushtarë të saj ishin vrarë, duke shtuar se të dy palët pësuan viktima.

Ministria e Punëve të Jashtme të Indisë akuzoi Kinën për shkeljen e një marrëveshje së arritur javën e kaluar për të respektuar Linjën e Kontrollit Aktual në Luginën kufitare.

Sipas raportimeve dhuna midis dy ushtrive të vendosura në Himalaje është shumë serioze, dhe presioni do të rritet mbi dy fuqitë bërthamore për të mos lejuar një përshkallëzim të konfliktit.