Antitrupa kundër COVID-19, laboratori në Singapor bën zbulimin

Organizata për Kërkimin dhe Mbrojtjen në Singapor deklaroi të mërkurën se ka zbuluar 5 antitrupa që mund të neutralizojnë COVID-19 e që mund të hapin rrugën për përdorimin e tyre si ilaç për trajtimin e virusit.

Laboratori kombëtar vendas deklaroi se testet e antitrupave tek njeriu pritet të nisin brenda pak muajsh, pasi të kenë përfunduar testet klinike.

Organizata deklaroi se i zbuloi antitrupat në kampione gjaku të marra nga pacientët e prekur nga koronavirusi. Që prej muajit mars, ajo ka analizuar disa qindra mijëra qeliza për të gjetur ato, duke përdorur një teknikë skanimi të liçencuar.

Në një komunikatë për shtyp, drejtori i laboratorit deklaroi se përdorimi i antitrupave tek pacientët mund t’i ndihmojë ata të rikuperohen më shpejt.