‘Unaza e Zjarrit’, India dhe Lindja e Largët shijon eklipsin e rrallë diellor

Nga Afrika Perëndimore në Gadishullin Arabik, Indi dhe Lindje të Largët qytetarët patën mundësi të shihnin pjesërisht, ose plotësisht, eklipsin e diellit dhe unazën që ai krijoi në qiell.

Eklipset ndodhin kur Hëna, duke u vendosur në linjë mes Tokës dhe Diellit, nuk është aq afër planetit tonë që të errësojë plotësisht rrezet e diellit. Kështu lë një unazë të hollë drite njohur ndryshe si “Unaza e zjarrtë”.

“Jam shumë e lumtur sepse në vendin tonë do të mund të shihet pas 195 vitesh. Është një mundësi e rrallë, jam shumë e lumtur,” – u shpreh Melody Lin, studente në Tajvan.

Eklipsi ndodhi në ditën më të gjatë të hemisferës veriore të vitit – solsticin veror, kur Poli i Veriut tërhiqet drejt Diellit.

Në Nairobi, Afrikë Lindore, vëzhguesit e panë pjesërisht eklipsin pasi retë bllokuan qiellin për disa sekonda pikërisht në momentin kur Hëna duhet ta kishte fshehur Diellin.

Gjatë vitit, do të ketë një eklips hënor, më 30 nëntor dhe një eklips total diellor,  i cili në 14 dhjetor do të mund të shihet në Kili dhe Argjentinë.