Vrasja barbare e emigrantit afrikan në mes të qytetit zemëron italianët

Policia në Itali arrestoi një shtetas italian i cili theri një shitës nigerian. Vdekja brutale e tij në një qytet plot me turistë u filmua nga kalimtarët, pa asnjë përpjekje për të ndërhyrë fizikisht.

Pamjet e sulmit qarkulluan në mediat dhe rrjetet sociale italiane duke shkaktuar zemërim, ndërsa Italia futet në fushatën e zgjedhjeve parlamentare ku koalicioni i krahut të djathtë e ka kthyer në tematikë çështjen e emigracionit.

“Vrasja e Alika Ogorchuku është e trishtë”, shkruan Enrico Letta, një ish-udhëheqës i Partisë Demokratike. “Mizori e padëgjuar, indiferencë e zgjeruar. Nuk ka justifikim”, shkruan ai në Twitter.

Ndërkohë, lideri i ekstremit të djathtë, Matteo Salvini, i cili e ka kthyer sigurinë në pikën kyçe të fushatës së tij, gjithashtu shprehu indinjatën lidhur me rastin, duke thënë se “siguria nuk ka ngjyrë dhe duhet të kthehet në një të drejtë”.

LEXONI GJITHASHTU:

• Thatësira ‘pushton’ Italinë, shkatërrohen të mbjellat
• Italianët i bëjnë thirrje Draghit që të mos dorëhiqet