Hong-Kong: Arrestohen qindra protestues në ditën e parë të zbatimit të ligjit të ri të sigurisë

Policia e Hong-Kongut ka kryer një sërë arrestimesh në ditën e parë të zbatimit të ligjit të ri të sigurisë kombëtare.

Protestat vijnë në 23-vjetorin e dorëzimit të qytetit nga Mbretëria e Bashkuar tek Kina.

Forcat e rendit deklaruan në rrjetet sociale se kishin arrestuar mbi 300 persona nën akuza të ndryshme, si grumbullim i jashtëligjshëm dhe shkelje të ligjit të ri të sigurisë kombëtare.

Bashkimi Europian ka ngritur sërish “shqetësimin e tyre për ligjin e ri”, i cili ka marrë kritika të ashpra nga liderët e BE-së dhe grupet e të drejtave të njeriut. Masa për personat që arrestohen për shkelje të ligjit mund të shkojë deri në burgim të përjetshëm.

Por Kina i ka ardhur në mbrojtje këtij ligji, duke këmbëngulur se situata në Hong-Kong është një çështje që i takon punëve të brendshme.

Mbi 300 arrestime

Protesta në përvjetorin e dorëzimit të Hong-Kongut nga Mbretëria e Bashkuar tek Kina është një traditë e vjetër e territorit gjysmë-autonom, por këtë vit policia ka refuzuar t’iu japë leje protestuesve për shkak të COVID-19 dhe mundësinë e përshkallëzimit në dhunë.

Arrestimi i parë që u krye ishte për shkak se protestuesi po mbante një flamur ku bënte thirrje për pavarësinë e Hong-Kongut. 

Three females were arrested respectively for showing materials with #HKIndependence slogans in #CausewayBay, violating #NSL. Anyone who organises, plans, commits or participates in committing secession or undermining national unification shall be guilty of an offence. pic.twitter.com/SB3vYQyiha

— Hong Kong Police Force (@hkpoliceforce) July 1, 2020

Ligji i ri i miratuar nga Kina hyri në fuqi të martën në mbrëmje. Ky ligj i lejon autoritetet që të arrestojë personat e dyshuar se janë të përfshirë në aktivitete separatiste në Hong-Kong, duke ngjallur kështu shqetësim se në fakt qëllimi i ligjit është që të ndalojë zërat e opozitës në territorin gjysmë autonom.

BE dënon sërish ligjin

Të mërkurën BE ka nxjerrë një komunikatë ku dënon ligjin i cili cenon autonominë e Hong-Kongut.

“Bashkimi Europian është i shqetësuar se ky ligj rrezikon seriozisht të cenojë shkallën e lartë  të autonomisë së Hong-Kongut, duke sjellë një efekt degradues për pavarësinë e gjyqësorit dhe sundimit të ligjit”, shkruhej në komunikatë.

#HongKong: Declaration by @JosepBorrellF on behalf of the ?? :

➡️ the EU reiterates its grave concerns about the adoption of the National Security Law

➡️ it is essential that the existing rights and freedoms of residents are fully protected

?https://t.co/q9l5PIPOai

— EU Council Press (@EUCouncilPress) July 1, 2020