Pamje surreale të vullkanit në Islandë, qindra turistë shijojnë shpërthimin e llavës

Shpërthimi i një vullkani në afërsi të Rejkjavik  të Islandës ka ofruar pamje spektakolare duke mbledhur me qindra turistë të cilët janë mahnitur nga pamjet e zjarrta

“Krateri është i hapur, shihet llava si shatërvan, ajo rrjedh duke shtyrë përpara rërën dhe tokën, është spektakolare, më pëlqen shumë” shprehet Anita

“Është e pabesueshme, duket e pavërtetë. Ngjyrat janë me të vërtetë të forta, është  sureale. Është shumë e bukur” thotë Marion turiste nga Franca

Për momentin nuk ka asnjë shtëllungë të rrezikshme të hirit, por ekspertët islandezë thonë se “është e mundur që ndotja  mund të vihet re më vonë për shkak të çlirimit të gazit”. Ata u kanë bërë thirrje turistëve të qëndrojnë sa më larg.

Islanda është një pikë e nxehtë sizmike me 32 sisteme vullkanike aktive.

LEXONI GJITHASHTU

• Fenomeni i rrallë i stuhive vullkanike, shpërthen Etna

• Shpërthimi vullkanik në Tonga më i fuqishëm se bomba atomike, thotë NASA